Presidenti i Republikës, Ilir Meta falenderoi Kryetarin e Komisionit të Jashtëm në Parlamentin Europian, David McAllister, për angazhimin e tij për zgjedhje të lira dhe të ndershme.
Meta kujton përpjekjet e Mcallister 4 vite më parë, që vendi ynë të mos kishte zgjedhje penalizuese për integrimin europian.
Sipas kreut të shtetit, ka ende kohë për reflektim.
Postimi i Metës në Facebook
E falënderoj Kryetarin e Komisionit të Jashtëm në Parlamentin Europian, z.David McAllister, mik i vërtetë i Shqipërisë dhe popullit shqiptar, për angazhimin e tij të sinqertë e të vazhdueshëm, për zgjedhje të lira e të ndershme.
Z.McAllister, si askush tjetër, bëri çdo gjë edhe katër vite më parë, që vendi ynë të mos kishte zgjedhje penalizuese për integrimin europian, siç fatkeqësisht ndodhën.
Ka ende kohë për reflektim!
Reagimi i Metës, vjen pas deklaratës së McAllister, i cili shprehej i shqetësuar që mazhoranca do të votojë nesër ndryshimet në Kodin Zgjedhor pa pritur opinionin e Komisionit të Venecias.
