Komisioni i Venecias ka marrë në dorëzim kërkesën e Presidentit të Republikës Ilir Meta, për ndryshimet në Kodin e ri Zgjedhor.
Komisioni bën me dije, se kërkesa është pranuar dhe do të shqyrtohet.
Pasi dërgoi kërkesën sot, Meta tha se Komisioni i Venecias do të japë opinionin e vetë për ndryshimet që bëri mazhoranca në Kodin Zgjedhor, pasi ato sipas tij, janë bërë jo me rekomandimin e OSBE.
Ndërkohë, Komisioneri për Zgjerim në BE, Oliver Vahelyi i kërkoi kryeministrit Rama që të priste vendimin e Komisionit të Venecias për të miratuar ndryshimet.
Kjo thirrje u refuzua nga kreu i qeverisë, i cili duket i vendosur për miratimin e kodit, pasi nesër pritet të futet në rendin e ditës në Kuvend.
