Kryeministri ende në detyrë i Kosovës, Ramush Haradinaj ka shuar dyshimet për një koalicion mes partisë së tij dhe Vetëvendosjes.
Në një konferencë për mediat, Haradinaj e cilëson Kurtin si një mashtrues, ndërsa shton se nuk ka pasur asnjë komunikim me të apo me partinë e tij.
Haradinaj tha se AAK është zgjedhur me votë nga populli të jetë opozitë, por nuk ka si ta luajë këtë funksion kur nuk ka ende një qeveri të formuar.
“Nuk kemi komunikim me Vetëvendosjen e as z.Kurtin për bashkëqeverisje. Unë e kam deklaruar se projekti që paraqet z.Kurti është mashtrim edhe vet z.Kurti e kam quajtur mashtrues sepse bindja ime ka qenë se qasja e tij ndaj temave dhe realitetit të jetës nuk përputhet dhe nuk qëndron ashtu, por qytetari ka vendosur dhe ne jemi opozitë por nuk kemi pasur kujt ti bëjmë opozitë, pasi që nuk kemi ende qeveri”, tha ai.
