Ish-deputeti i Partisë Demokratike, Klevis Balliu, ka surprizuar me qëndrimin e tij ndaj Majlinda Bregut, teksa ka thënë se nuk e njeh. Ai ka dhënë opinionin e tij mbi disa nga figurat politike në vend, teksa ka qenë i ftuar në emisionin “Vizioni i Pasdites”.
“Të jem i sinqertë, këtë nuk e njoh mirë, nuk kam patur asnjëherë kontakt dhe s’di çfarë të them, por është një mbështetëse shumë e fortë e qeverisë sot”.
Nga ana tjetër, ish deputeti i Partisë Demokratike nuk ka preferuar të flasë për Rudina Hajdarin, ndërsa për Elisa Spiropalin ai u shpreh:
“Kjo është në qejf të vetë pastaj, për sa kohë ka Skëndërbeun është në punë të vetë. S’është se kam ndonjë koment për të.
E kam takuar kur kam qenë në Parlament, por as nuk e njoh dhe as s’kam çfarë them, sepse më duket njeri bosh. Është si njeri transparent që nuk sheh diçka aty”, ka përfunduar Klevisi.
