Donaldi dhe Beatrix po komentohen nga banorët brenda shtëpisë së “Big Brother”, për shkak të shkëndijave që ata kanë dhënë për njëri-tjetrin. Kledi Hysa i cili është eleminuar, e sheh raportin e tyre në kuadër të lojës. Që pas daljes së Semit, Donald Veshaj është afruar tej mase me Beatrix Ramosaj.
Ata janë larë dhe dy herë në dush bashkë, duke tërhequr vëmendjen e banorëve të tjerë.
Modeli i njohur dhe ish-banori i shtëpisë së “Big Brother VIP”, Kledi, ka deklaruar se përqafimet e Donaldit dhe Beatrixës janë lojë, duke nënkuptuar se dyshja nuk kanë pëlqim të vërtetë për njëri-tjetrin.
Këshilla që ai ka për dyshen është që të mos e zgjasin shumë lojën, sepse familjet e tyre jashtë mund ta keqkuptojnë dhe të lëndohen.
“Kjo që po bën Triksa me Donaldin është një lojë. Vetëm që mos zgjasë shumë loja. Sepse ka dhe njerëz që mund të preken. Triksa ka familjen e vetë, dhe Donaldi dhe mund të lëndohen”, u shpreh Kledi në emisionin “Ditë e Re”.
