Pas publikimit të përgjimeve nga gazeta gjermane “Bild”, PD është vënë në lëvizje, dhe po organizon një miting të paparashikuar.
Burime ende jo zyrtare thonë se militantët demokratë janë nisur drejt selisë së PD, për të protestuar dhe madje përflitet se gjithçka mund të jetë e pritshme nga ky organizim, duke lënë të nënkuptohet edhe për skenarë dhune.
Kryeministri Edi Rama ka ripublikuar për profilin e tij në rrjetet sociale, përgjimin e “Bild” nga dosja hetimore “184”, duke thënë se nuk ka asgjë për të fshehur.
Kreu i qeverisë shkruan se publikimi i këtyre audio-përgjimeve, ku ai përmendet për herë të parë, ka cënuar jo vetëm dinjitetin e tij, por edhe të vendit, për këtë arsye njofton se do të padisë në gjykatat gjermane gazetarin Peter Tiede.
