Partia Socialiste ka nisur sot nga Elbasani nismën ‘Ti zgjedh’, e cila do të finalizohet më 16 nëntor, ku do të zgjidhen delegatët e Kongresit të PS.
Lidhur me këtë takim, një reagim është përcjellë nga Rama, i cili ka ironizuar mediat, ku sipas tij, zgjedhjet në PS nuk bëjnë lajm.
Sipas tij, mediat janë të zëna me thashetheme, genjeshtra të zeza nga vendi e bota.
Statusi
Zgjedhjet në PS nuk bëjnë lajm në mediat e zëna me thashetheme, gënjeshtra e të zeza nga vendi e bota, por ato janë një proces me shumë pjesëmarrje, organizatë më organizatë e asamble më asamble, ku Partia Socialiste po ripërtërihet e riorganizohet për sfidën e vitit 2021
Një përgëzim për të gjithë anëtarësinë socialiste dhe për socialistët e socialistet e Elbasanit, që siç tregojnë këto pamje të pasdites së sotme, po shkojnë drejt zgjedhjes së delegatëve të Kongresit me energji të reja pozitive.
