Kryeministri Rama ka zhvilluar një bashkëbisedim me qytetarët në Facebook, ku është ndalur në çështje të ndryshme sensitive. Një qytetar e ka pyetur se sa të siguruar jemi nga sumet kibernetike. Kreu i qeverisë tha që në krye të fjalës së tij se ne kemi patur sulme të vazhdueshme prej shumë vitesh. Ai theksoi ndër të tjera se përgjithësisht sulmet kane qenë të pasuksesshme. Dëmet janë shumë më të lehta dhe se sistemet janë kthyer në punë.
Sa e përgatitur është Shqipëria të përballojë një sulm tjetër kibernetik? Sa të sigurta janë të dhënat tona?
“Ky është një shqetësim i ri, sepse ne kemi sulme të vazhdueshme prej shumë vitesh. Gjithë këto sulme të regjistruara nga institucioni që koordinon të gjithë projektin e revolucionin digjital, kanë qenë sulme të pasuksesshme përgjithësisht.
Ndërkohë që ky është një agresion i mirëfilltë luftarak në botën e internetit, dhe gjithë sistemeve digjitale. Agresioni kishte një qëllim shumë të qartë, zhdukjen të gjitha të dhënave dhe shkatërrimin e të gjitha sistemeve për të lënë një tokë të djegur nga mbrapa. Ky është konkluzioni i ekspertëve. Sulmi nuk e ka arritur qëllimin. Dëmet janë shumë më të lehta se sa shkalla e agresivitetit. Sistemet janë kthyer në punë. Kjo luftë vazhdon”.
