Kryeministri ende në detyrë Albin Kurti ia ka kthyer letrën që i ka nisur sot Presidenti Hashim Thaçi.
Ky i fundit e paralajmëroi Kurtin se do marrë masa për krijimin e një qeverie të re, kjo për arsyen se sipas tij LVV ka më shumë se dy javë që nuk e ka dorëzuar emrin për mandatarin.
Kurti i ka drejtuar një letër Thaçit, të cilën e ka lexuar Albulena Haxhiu sot në takimin me Presidentin dhe krerët e partive politike.
Në letër, Kurti pohon se Presidenti nuk ka të drejtë që të marrë këtë veprim sepse bie ndesh me Kushtetutën:
“Bazuar në rolin dhe funksionin si President, ju nuk keni të drejtë e as autorizim kushtetues për të konstatuar se kemi refuzuar propozimin e kandidatit për kryeministër kur nuk e kemi bërë këtë; ju nuk e keni në mandat e kompetencë që të përcaktoni përtej Kushtetutës se si e çfarë do të jetë Qeveria, siç keni bërë këtyre ditëve në deklarimet publike; dhe, me keqardhje konstatojmë se ende nuk na jeni përgjigjur se në bazë të cilës pikë të nenit 95 po veproni dhe po na drejtoheni”.
