Një 45-vjeçar shqiptar i cili kishte dalë me leje nga burgu, është ekzekutuar me armë zjarri në Itali.
Raportohet se ngjarja ka ndodhur mbrëmjen e së shtunës në Romë rreth orës 23:30 minuta, në zonën e quajtur Tufello.
Sipas mediave italiane referuar edhe burimeve të policisë, viktima, ka qenë person me precedent penal dhe në momentin që ai është qëlluar ka qenë duke u rikthyer në burg pasi kishte dalë me leje.
Shqiptari kishte takuar bashkëshorten e tij, por vetëm pak metra larg banesës ai u qëllua dy herë me pistoletë… një plumb e goditi në pjesën e kokës dhe një tjetër në gjoks.
