Zbardhen detaje të reja në lidhje me ngjarjen e rëndë të ndodhur mbrëmjen e sotme në fshatin Dragostunjë të Librazhdit, ku 56-vjeçari Qemal Bici vrau me sopatë bashkëshorten e tij 53-vjeçare Menturie Bici, dhe më pas i dha fund jetës së tij.
Mësohet se të dy bashkëshortet, prej kohësh kishin kontrakdikta me njëri-tjetrin dhe shpesh konfliktoheshin. Pasi e vrau me soptatë, Qemal Bici ka varur veten e tij në një pemë, pranë banesës ku ndodhi ngjarja e rëndë.
Çifti ishin prindër të katër fëmijëve, ku ka qenë pikërisht njëri prej tyre, që i ka gjetur ata të pajetë. Fëmija ka parë fillimisht të ëmën e pajetë në banesë, dhe më pas edhe babanë e varur në pamë, dhe i shokuar ka njoftuar policinë.
“Në fshatin Dragostunjë, Librazhd, në banesë shtetasi Q.B., rreth 56 vjeç, në rrethana ende të paqarta dyshohet se ka vrarë me mjet të mprehtë ( sopatë) bashkëshorten e tij shtetasen M.B., rreth 53 vjeçe dhe më pas ka varur veten.”, informoi policia.
Grupi hetimor nën drejtimin Prokurorisë ndodhet në vendngjarje dhe po punohet për zbardhjen dhe dokumentimin e plotë të rrethanave të ngjarjes.