Kina ka filluar dezinfektimin e kartëmonedhave, kjo si një masë për të ndaluar përhapjen e koronavirusit. Lajmi u njoftua nga zv/guvernatori i bankës qendrore kineze, Fan Yifei. Ky i fundit sqaroi se do të përdoren rrezet ultravjollcë ose temperaturat e larta për dezinfektimin e kartëmonedhave, të cilat më pas do të vulosen dhe izolohen.
Pas periudhës së “karantinës”, kohëzgjatja e së cilës do të varet nga ashpërsia e epidemisë në rajon, kartëmonedhat mund të rihidhen në qarkullim.
Nga frika e virusit vdekjeprurës, shumë kinezë tashmë po kufizojnë përdorimin e kartëmonedhave, duke parapëlqyer blerjet në internet.
Eshtë e nevojshme, – tha zv / guvernatori, në minimizohet përdorimi i kartmonedhave “për të ruajtur sigurinë dhe shëndetin e përdoruesve”. Përveç kësaj, Fan Yifei tha se transfertat bankare midis provincave janë pezulluar.
Kina ka njoftuar për një rënie të rasteve të reja të koronavirusit, për të tretën ditë radhazi. Epidemia që aktualisht ka përfshirë Kinën, ka prekur edhe dhjetëra kompani.
