Për herë të parë që nga shpërthimi i pandemisë, Kina nuk ka regjistruar asnjë rast të ri me koronavirus në bilancin e 24 orëve.
Komisioni Shtetëror Shëndetësor njoftoi gjithashtu se nuk është shënuar asnjë viktimë brenda këtyre 24 orëve.
Deri më tani, Kina regjistron rreth 83 mijë raste infektimi dhe 4,634 viktima. Ndërkohë në rang global, numri i rasteve të identifikuara ka shkuar mbi 5.3 milionë, ndërsa më shumë se 340 mijë njerëz kanë humbur jetën.
Vendi më i prekur vijojnë të jetë SHBA, me më shumë se 1,6 milionë raste të identifikuar dhe rreth 98 mijë viktima.
OBSH deklaroi dje se Amerika Jugore tani është “epiqendra e re” e pandemisë së koronavirusit, me Brazilin si vendin më të prekur.
Brazili regjistron numrin e tretë më të lartë në botë të personave të prekur nga koronavirusi (332,382), pas SHBA-ve (1,645,353) dhe Rusisë (335,382).
