Dy ekspertë të Organizatës Botërore të Shëndetësisë, pjesë e ekipit që do hetojë origjinën e koronavirusit në Wuhan, u është ndaluar udhëtimi për në Kinë. Ata u bllokuan në Singapor pasi kanë dështuar në testin e antitrupave të Covid-19, shkruan CNN.
“Dy shkencëtarë janë ende në Singapor duke përfunduar testet për Covid-19. Të gjithë anëtarët e ekipit rezultuan negativë në vendet e tyre para se të udhëtonin,” tha OBSH përmes një postimi në rrjetin social, Twitter.
The international team of 13 scientists examining the origins of the virus that causes #COVID19 arrived in Wuhan, #China, today.
The experts will begin their work immediately during the 2 weeks quarantine protocol for international travelers.
— World Health Organization (WHO) (@WHO) January 14, 2021
Pjesa tjetër e ekipit, 13 ekspertë mbërritën në qytetin kinez të Wuhanit, prej dhe nga u shfaq koronavirusi për herë të parë në dhjetor të 2019-ës.
Që nga nëntorit i vitit të kaluar, të gjithë udhëtarët që udhëtojnë në Kinë duhet të kenë me vete testin negativ të antitrupave IgM dhe testin PCR, ku pas verifikimit të tyre, nëse janë negativ lejohen të futen në këtë vend.
