Teksa qeveria kineze ditën e djeshme ka akuzuar SHBA-në se po përhap panik dhe se e ka situatën në kontroll, duket se sot është tërhequr nga ky qëndrim. Mësohet se autoritetet kineze kanë pranuar që ekspertët amerikanë të shëndetësisë të lejohen dhe t’u bashkohen grupeve kineze që po merren për zhvillimin e masave ndaj koronavirusit.
Më herët, dje SHBA-ja tregoi që Kina nuk e kishte pranuar një ofertë të tillë, pasi besonte se mund ta përballonte situatën me kapacitetet e saj.
Dje u shënua dhe viktima e dytë jashtë Kinës. Ky është rasti i dytë i shënuar në tre ditët e fundit, pas atij në Filipine ku humbi jetën një burrë nga koronavirusi.
Deri tani raportohet mbi 425 viktima nga koronavirusi si dhe 20 mijë të infektuar në mbarë botën, pjesa më e madhe e tyre raportohet në Wuhan dhe Hubei të Kinës.
