Ambasadorja e SHBA-ve në vendin tonë, Yuri Kim ka zhvilluar një takim me kryetaren e Këshillit të Emërimeve në Drejtësi (KED), Vitore Tusha, e cila njëherazi është edhe drejtuese e Gjykatës Kushtetuese.
Kim falenderoi Tushën për udhëheqjen e qendrueshme të KED, çka bëri që Gjykata Kushtetuese tashmë të jetë funksionale.
Ajo shprehu mbështetjen e fortë të SHBA-ve që reforma në drejtësi të japë rezultatet e pritura.
”Unë u takova me gjyqtaren Tusha për ta falënderuar atë për udhëheqjen e qëndrueshme dhe të mençur të KED, e cila bëri të mundur që Gjykata Kushtetuese të bëhet funksionale. Tani, ajo ka përgjegjësinë të drejtojë GJK-në në shqyrtimin e çështjeve të rëndësishme.SHBA do të vazhdojë mbështetjen e saj të fortë në mënyrë që Reforma në Drejtësi të japë rezultate”,. shkruan Kim në rrjetin social, Twitter.
I met Judge Tusha to thank her for stable & wise leadership of JAC, which enabled 🇦🇱 Constitutional Ct to become functional. Now, she has the responsibility to lead the CC in reviewing important cases. 🇺🇸 will continue its strong support so that Justice Reform delivers results. pic.twitter.com/A0KKKYT4ds
— Ambassador Yuri Kim (@USAmbAlbania) January 19, 2021
