Kreu i PD-së, Lulzim Basha ka reaguar në lidhje me shqetësimin e ngritur nga ambasadorja Yuri Kim, se mos ka ndonjë marrëveshje të fshehtë për të sabotuar reformën në drejtësi.
Basha ka ripostuar deklaratën e ambasadores në Twitter, duke thënë se ndryshimet e bëra për reformën në drejtësi i shërbejnë qeverisë për të kontrolluar dhe kapur politikisht sistemin.
“Çdo ndryshim kushtetues dhe ligjor në lidhje me reformën në drejtësi nga ky parlament është ilegjitim. Ndryshime të tilla u shërbejnë vetëm atyre që e përdorin pushtetin për të devijuar dhe për të minuar reformën, për të kontrolluar politikisht dhe për të kapur sistemin e drejtësisë”, shkruan ai.
Any constitutional or legal changes regarding justice reform by the current parliament are illegitimate. Such changes serve only those who use their power to twist and undermine the reform and to politically control and capture the justice system. https://t.co/SFyK0ieFl2
— Lulzim Basha (@lulzimbasha_al) May 21, 2020
Ndërkohë lidhur me shqetësimin e ngritur nga ambasadorja e SHBA, ka ardhur edhe një reagim nga ambasadori i BE-së, Luigi Soreca.
Në postimin e tij në Twitter, Soreca thotë se reforma në drejtësi vijon dhe duhet të ruhet. Sipas tij, nuk është koha për të rihapur diskutime për bazat e saj.
“Zbatimi i reformës në drejtësi vazhdon dhe duhet të ruhet. Nuk është koha për të rihapur diskutimin mbi bazat e tij, por për të rritur efikasitetin e saj dhe forcimin e burimeve që disponohen. Shqiptarët meritojnë të kenë drejtësi të pavarur të përditshme si dhe Shqipëria të vijojë përpara në rrugën e saj të pranimit në BE”, shkruan ai.
The implementation of #justice reform continues and must be preserved. This is not the time to reopen the discussion on its fundamentals but to enhance its efficiency and reinforcing the resources at its disposal. To deliver the day-to-day independent justice that…1/2
— Luigi Soreca🇪🇺 (@LSorecaEU) May 21, 2020
