Një ish-zyrtar i Koresë së Veriut është i bindur se lideri i Koresë së Veriut, Kim Jong-un ka ndërruar jetë gjatë një operacioni në zemër. Ji Seong-ho është shprehur për mediat e huaja se është 99% i sigurt se diktatori ka vdekur.
Madje ai e bën edhe më tej të besueshëm këtë lajm, duke thënë se lajmin mbi vdekjen e udhëheqësit koreano-verior Kim Jong-un, me shumë mundësi mediat do ta japin këtë fundjavë.
“Unë jam informuar se Kim vdiq fundjavën e kaluar. Nuk është 100 % i sigurt, por mund të them se jam i sigurt 99%. Kim Yo Jong, motra e udhëheqësit, me shumë mundësi do të zërë vendin e tij”, tha Ji.
Ende mbetet mister zhdukja e liderit komunist të Koresë së Veriut, Kim Jong-un, prej datës 11 prill. Aktualisht ekzistojnë dy pretendime kryesore, që Kim ka vdekur dhe se mund të jetë zhdukur qëllimisht. Por dihet se Kim së fundmi ka bërë një operacion në zemër, dhe se gjendja e tij shëndetësore mund të jetë kritike.
