Nuk kanë të ndalur tërmetet. Qendra Sizmologjike Evropiane e Mesdheut, njofton se një tërmet i fuqishëm me magnitudë 6.2 të shkallës Rihter është regjistruar të shtunën në Coquimbo të Kilit. Epiqendra e tërmetit ishte 25 kilometra thellësi nën sipërfaqen e tokës. Nuk është raportuar për të lënduar ose viktima.
Kili goditet herë pas here nga tërmetet për shkak se shtrihet në të ashtuquajturën “Unazë e Zjarrtë”, që është zonë me aktivitet të lartë sizmik në Oqeanin Paqësor dhe rajonet tokësore përreth tij.
Kili i vendosur në “Unazën e Zjarrit” të Paqësorit, ka një histori të gjatë të tërmeteve vdekjeprurëse, duke përfshirë një tërmet me magnitudë 8.8 në 2010-ën në brigjet e jugut, i cili shkatërroi qytetet bregdetare.
