Kryeministri Edi Rama ka treguar se në ndryshimet në Kodin Penal, në raste të tilla emergjence, procesi i hapjes së vendit do të bëhet sipas 3 kategorive të përcaktuara.
Në një lidhje live me emisionin “Opinion”, Rama tregoi se 3 kategoritë janë ato me risk të ulët, me risk të mesëm dhe me risk të lartë.
Ai ka treguar edhe bizneset përkatëse që përfshihen në secilën prej këtyre kategorive. Transporti urban sipas kryeministrit është i përshirë në biznes me rrezik të mesëm, ndërsa sa i takon shërbimeve estetike grupi i punës është i ndarë nëse është i biznes me rrezik të lartë, apo të mesëm. Kreu i qeverisë theksoi se ai është i mendimit që bizneset estetike janë me rrezik të mesëm.
“-Biznese me rrezik të ulët:
Me risk të ulët ku merren parasysh një sërë kriteresh, shitje me pakicë në dyqane, tregti me pakicë e veshjeve, aktiviteti i taksive me një person të vetëm, tregtia e tekstileve me pakicë, tregtia e artikujve prej lëkure, pajisjeve të ndriçimit, luleve, orëve bizhuteritë, pajisjet audio, qylymat, lodrat për fëmijë, etj.
–Biznese me rrezik të mesëm:
Transporti rrugor i pasagjerëve në sistemin urban, transporte të tjera rrugore të pasagjerëve, tregtia me pakicë e mallrave të përdorura, artikuj të tjerë në tregje, jo ushqimore, aktivitete shkollore të drejtimit të mjeteve, shërbime arsimore mbështetëse ku përjashtohet mësimdhënia online, tregtia me pakicë në tenda e tregje.
–Biznese me rrezik të lartë:
Ka një debat shumë të madh. Janë këto estetiket. Është i ndarë grupi i gjerë i punës nëse janë rrezik i madh apo i mesëm, I kërkoj ndjesë të gjitha zonjave, që janë në ankthin e mosndërhyrjes në pamjen e jashtme prej më shumë se 40 ditë. Unë anoj nga rreziku i mesëm por akoma nuk është zgjidhur.
Restorante që nuk kanë delivery, aktivitete të shërbimeve ushqimore që nuk kanë delivery. Aktivitete sportive, palestra, transporti ndër urban.
Austria praktikisht ka të njëjtin plan me ne, por është më e avancuar në një periudhë 10 ditë. Nëse shifrat te spitalet do të ndryshojnë atëherë do t’i tërheqim”, tha Rama.
