Në këto ditë vetëkarantinimi nga ana e shqiptarëve për shkak të koronavirusit, nuk kanë munguar memet apo videot humoristike nëpër rrjete sociale.
Në disa prej tyre protagonist ka qenë kryeministri i vendit Edi Rama, i cili herë pas here nuk ngurron që t’i bëjë ato publike në Facebook.
“EDI JAM,
Ashtu si në kulmin e hallit të tërmetit kishte momente humori, që faktikisht gjithnjë bëhet më pikant në periudhat më të vështira, ka pasur edhe në këto ditët e vetëburgosjes tonë kolektive goxha humor nëpër rrjete!
Jam matur disa herë t’i ndaj këtu ca perla humori me telefonatat ku dilte zëri im, po këtë s’e mbajta dot pa e ndarë me ju dhe bravo kujt e ka bërë”, shkruan Rama krah videos humoristike të cilën mund ta shikoni më poshtë.
