Grupimi i vogël i muzikantëve, që arrijnë një famë mbarëbotërore, ka të ngjarë të krenohet me pasurinë e madhe që zotëron secili prej tyre. Falë revistës “Forbes”, ne e dimë saktësisht se cilët artistë ndodhen në majë të këtij klasifikimi. Ja cilët janë pra 10 muzikantët, më të pasur në botë për këtë vit:
- Mariah Carey
Me një pasuri prej 535 milionë dollarësh, Mariah Carey, ndryshe nga disa prej kolegëve të saj, i ka fituar paratë thuajse vetëm përmes angazhimit të saj në muzikë dhe kinematografi.Që nga debutimi i saj në botën e muzikës në vitin 1988, Carey ka shitur mbi 200 albume në mbarë botën, dhe ka fituar 5 çmime Grammy Awards.
- Madonna
Pasuria 590 milionë dollarë. Edhe pse Madona debutoi në tregun muzikor në vitet 1980, ku ajo prodhoi hite si “Like a Virgin” dhe “Vogue”, ka ditur të rishpikë vazhdimisht veten, duke qëndruar në një pozitë të rëndësishme gjatë gjithë karrierës së saj, e cila tashmë shtrihet në 4 dekada. Përveç katalogut mbresëlënës muzikor, Madona ka fituar edhe 2 çmime Golden Globe në kinemarografi, njërin prej të cilëve për rolin e saj si protagoniste në filmin “Evita”, të vitit 1996.
- Bono Vox
Pasuria 700 milionë dollarë. Lideri i grupit muzikor U-2, ka shkruar disa këngë me motive politike, të frymëzuara nga tensioni midis Republikës së Irlandës dhe Mbretërisë së Bashkuar, një konflikt i dhunshëm qindra vjeçar, që ka marrë fund vetëm 20 vjet më parë. Përveç karrierës muzikore, Bono ka bërë emër si filantrop, dhe një biznesmen i respektuar.
- Dr.Dre
Pasuria 740 milionë dollarë. E nisi karrierën e tij në industrinë e muzikës si një reper i grupit ‘NWA’, që ishte i njohur për tekstet që frymëzonin dhunë. Ai ka bashkëpunuar dhe ndihmuar ngjitjen në karrierë të repistëve të tjerë të njohur si 2Pac, Snoop Dog dhe Eminem. Vitet e fundit, Dr. Dre ka bërë një jetë më të qetë, larg skenës dhe vëmendjes së publikut.
- Celine Dion
Pasuria 750 milionë dollarë. Ndonëse është më e njohur për kolonën zanore të filmit “Titanik” në vitin 1997, me këngën “My heart will go on”, karriera muzikore e Dion është po aq mbresëlënëse. Ajo ka fituar 5 çmime Grammy Awards, duke performuar në gjuhë të ndryshme, duke përdorur një stil të larmishëm muzikor.
- P.Diddy
Pasuria 800 milionë dollarë. Ashtu si Dr.Dre, edhe Diddy e nisi si një reper dhe producent. Muzika që ai krijoi në vitet 1990 dhe në fillim të viteve 2000, i shërbeu si një trampolinë për t’u marrë me biznese të tjera. Vitet e fundit, pjesa më e madhe e të ardhurave të tij, ka ardhur pikërisht nga sipërmarrje të tjera.
- Herb Alpert
Pasuria 850 milionë dollarë. Kompozitor i diskut sensual klasik “Rise”, Alpert ndryshe nga të tjerët, është një muzikant paksa i pazakontë. Fama e tij, nuk erdhi nga rrymat e zakonshme muzikore pop apo rok. Në fillimet e karrierës, ishte kompozitor dhe instrumentist i grupit “Herb Albert & Tijuana Brass”.
- Jay-Z
Pasuria 900 milionë dollarë. Gjatë karrierës së tij, ka fituar 19 çmime Grammy Awards, dhe ka shitur mbi 100 milionë albume në mbarë botën. Edhe pse e nisi si reper, kompanitë e tij të ndryshme, kanë kontribuar më shumë në pasurinë që ka aktualisht. Jay-Z, ka ndihmuar në fillimet e karrierës artistë të njohur si Kanye West dhe Rihanna.
- Paul Mccartney
Pasuria 1.2 miliardë dollarë. Me një diskografi, që përfshin 32 vende të para në hit-paradat botërore, të drejtat e autorit për më shumë se 25.000 këngë, dhe një karrierë muzikore prej 6 dekadash, është e lehtë të kuptohet pse ky ish-anëtar i grupit të famshëm Beatles, zë vendin e dytë me këtë shumë marramendëse parash.
- Andrew Lloyd Weber
Pasuria 1.28 miliardë dollarë. Kompozitori amerikan, është bërë sinonim me botën e Broduejit.
Puna e tij, ka diktuar punën e brezit aktual të muzikantëve. Disa nga veprat e tij më të famshme kanë qenë muzikalët si ”Cats”, “Joseph” dhe “Amazing Technicolor Dreamcoat”, “Evita”, “Phantom of the Opera”, “Jesus Christ Superstar”, si dhe shumë të tjerë. Ueber ka fituar gjithashtu një çmim Grammy Awards./ Tirana Today
