Pas qëndrimit publik të Ramës se opozita ëndërron vdekjen e tij, ka reaguar menjëherë Basha. Ai thotë se së bashku me qytetarët, do të mposhtin Ramën në zgjedhje. E po kështu opozita do të ndihmojë familjet shqiptare dhe ekonominë të ringrihet, duke sjellë shpresë për vendin.
“Bashkë do ta mposhtim Ramën, do të shërojmë Shqipërinë, do të ndihmojmë familjet shqiptare dhe ekonominë e do të sjellim shpresë të re për vendin!”.
Rama e nisi ditën duke iu përgjigjur akuzave të rivalit Lulzim Basha. Shkak u bë postimi i një videoje nga Basha, ku thoshte se Rama e ka humbur kontrollin mbi menaxhimin e COVID 19. Rama u përgjigj duke akuzuar se PD dhe Basha duan vdekjen e tij, për të ardhur në pushtet përmes fatkeqësisë.
Bashkë do ta mposhtim Ramën, do të shërojmë Shqipërinë, do të ndihmojmë familjet shqiptare dhe ekonominë e do të sjellim shpresë të re për vendin! https://t.co/uy8Snu0m4E
— Lulzim Basha (@lulzimbasha_al) November 13, 2020
