Me mjaft zhurmë është mbajtur edhe sot mbledhja e Këshillit Bashkiak, ku kryetari i Bashkisë, ka denoncuar PD si një forcë e cila nuk ka se çfarë ti ofrojë qytetarëve. Sipas Veliajt, opozita mund të ngrejë sërish çadrat, pasi sa herë që vendi është në prag zgjedhjesh, krijohet një situatë kaotike. Me nota humori, ai thotë se këta personazhe nuk mund të kërkojnë llogari, pasi ndër vite vetëm kanë fjetur gjumë. Për të humbur gjurmët, e për të dalë fitimtarë, me gjasë, sipas tij, edhe mund të ngrejnë sërish çadrat.
https://tiranatoday.com/veliaj-pervesh-menget-ndaj-bashes-o-kalama-i-papjekur-vini-ne-mbledhje-vetem-per-leket/
“Të vijë kush të dojë, Dashi, Jorida, Pollo, Paloka, Luli, Shkëlzeni. Pyetja është ça do thonë mo vlla, se kur e kishin 4 vjet, fjetën gjumë, tani do jenë superaktive, edhe ai 10 % i Tiranës do thotë shume mirë që do dilni kundër lalit, por ça keni bërë këto 4 vjet, se fjetët gjumë edhe në opozitë, ça pune doni, ça ka një pemë që ju do mbillni?
Asnjë pemë s’ka mbjellë një parti në opozitë. Në këtë seancë ndihem keq për ta. Mos u habisni po të fillojnë prapë çadrat, se do jemi në prag zgjedhjesh, mos u habisni po të jemi në një situatë destruktive”, tha Veliaj.
https://tiranatoday.com/artistet-i-kerkojne-metes-te-jape-ok-per-ndertimin-e-teatrit-te-ri-veliaj-i-nxjerr-inatin-opozites-me-ke-beni-teater/
Por kjo situatë nuk i ka pëlqyer aspak këshilltares së FRD në Bashkinë e Tiranës, Mirela Bogdani. Ajo ka braktisur sot koalicionin e majtë, dhe i është bashkuar opozitës. Ky vendim ka ardhur për shkak të sjelljes arbitrare të Veliajt me Teatrin.
“Unë nuk mund të vazhdoj të jem më pjesë e koalicionit të majtë. Duke nisur që sot dhe deri në përfundim të mandatit, nuk e konsideroj më veten pjesë e koalicionit të majtë”, tha më tej ajo.
Vendimi i Bogdanit u bë publik gjatë mbledhjes së sotme të Këshillit Bashkiak, ku nuk munguan sërish përplasjet mes kryetarit Veliaj dhe këshilltarëve të djathtë.
Këta të fundit vendosën edhe njëherë të bojkotojnë mbledhjen e Këshillit, pasi hodhën akuza për grabitje pronash nga ana e Bashkisë.
