Këshilltari kryesor politik i presidentit Thaçi, Bekim Çollaku, thotë se qëllimi i Kosovës nuk duhet të jetë rinisja e një dialogu teknik të udhëhequr nga Bashkimi Evropian.
Ai thekson se qëllimi duhet të jetë marrëveshja përfundimtare me njohje reciproke.
“Rinisja e dialogut teknik të udhëhequr nga BE-ja nuk është në interesin e Kosovës. Ai është dizajnuar për të justifikuar hapjen e më shumë kapitujve për pranimin e Serbisë në BE, teksa e lë Kosovën të izoluar dhe në status quo. Qëllimi duhet të jetë marrëveshja përfundimtare politike me njohje reciproke”, shkruan ai në Twitter.
Reagimi i Çollakut vjen pas takimit të Hotit me Vuçiç, që u ndërmjetësua nga BE.
Pas kësaj, Brukseli paralajmëroi se dialogu në nivelin teknik ndërmjet Kosovës dhe Serbisë, do të rinisë të mërkurën, më 22 korrik.
Ndërkaq, kryeministri Hoti pas takimit të Brukselit se Kosova dhe Serbia janë shumë afër arritjes së marrëveshjes përfundimtare.
“Jemi në fazën përfundimtare të përmbylljes së marrëveshjes përfundimtare me Serbinë”, tha ai.
