Këshilli i Atlantikut ka përgëzuar kryeministrin Edi Rama për fitoren e mandatit të tretë në zgjedhjet parlamentare të 25 prillit.
Përmes një mesazhi nga zv/Presidenti Damon Wilson thuhet se Këshilli pret të bashkëpunojë me qeverinë e re për të çuar përpara integrimin rajonal dhe pranimin e Shqipërisë në Bashkimin Europian.
Ai uroi edhe kryedemokratin Lulzim Basha për fushatën e fortë elektorale duke frymëzuar shumëkënd për shpresë.
“Urime për Shqipërinë dhe kryeministrin Edi Rama për fitimin e një mandati të tretë të paprecedentë. Ekipi i ACEurope dhe BalkansForëard mezi pret që të punojë me qeverinë dhe opozitën për të thelluar aleancën tonë, për të mbështetur prosperitetin dhe demokracinë e Shqipërisë dhe për të çuar përpara integrimin rajonal dhe pranimin e Shqipërisë në Bashkimin Europian”, thuhet në mesazhin e Këshillit të Atlantikut.
Congrats to Albania & @ediRama for winning an unprecedented 3rd term. @ACEurope #BalkansForward team looks forward to working with government & opposition to deepen our alliance, support Albania’s prosperity & democracy, and advance regional integration & Albania’s EU accession.
— Damon M. Wilson (@DamonMacWilson) April 28, 2021
