Qeveria ka mohuar se KESH ka shitur energji elektrike më lirë sesa çmimi në bursë. Ky qëndrim publik ka ardhur nga vetë kryeministri Rama, ku vë në dukje se është një gënjeshtër që po përdoret nga opozita dhe disa media për të nxitur urrejtjen ndaj qeverisë.
“Gënjehet pa të keq fare, sikur këndohet, bjeri t’i biem, një orkestër e tërë e injorancës dhe ligësisë, kanal më kanal portal më portal, shifra futja kot, fjalë rromapërtoma për të helmuar popullin e nxitur urrejtjen ndaj qeverisë! Deri në pikën që s’ka më asnjë logjikë…Si kjo”, shkruan kreu i qeverisë.
Gënjehet pa të keq fare, sikur këndohet, bjeri t’i biem, një orkestër e tërë e injorancës dhe ligësisë, kanal më kanal portal më portal, shifra futja kot, fjalë rromapërtoma për të helmuar popullin e nxitur urrejtjen ndaj qeverisë! Deri në pikën që s’ka më asnjë logjikë…Si kjo: pic.twitter.com/uIPXN3eFlW
— Edi Rama (@ediramaal) November 22, 2022
Në lajmin që ka postuar Rama thuhet se KESH shiti energji shumë më lirë seç e bleu atë pak ditë më parë.
“Për shkak të prurjeve të mëdha nga reshjet e ditëve të fundit, KESH ndali importin dhe eksportoi të hënën 8040 megavat/orë energji elektrike me një çmim mesatar 80-100 euro/megavat orë.
Por, çmimi i shitjes nga KESH ishte 3 herë më i lirë se çmimi që e importoi javën e kaluar, mesatarisht për 228.3 euro/megavat orë. Por edhe më lirë se sa çmimi që është sot në bursë, rreth 248 euro për megavat ose gati 4 herë më pak”.
