Maturantët e gjimnazeve të Tiranës po mbajnë një protestë para Ministrisë së Shëndetësisë, lidhur me provimin e dhënë ditën e djeshme, atë të Gjuhës dhe Letërsisë.
Ata ankohen se testi i maturës ishte shumë i vështirë dhe se pyetjet ishin abstrakte.
“Të kërkohet e drejta jonë se provimi ishte shumë i vështirë dhe nuk i ishte përmbajtur modeli të viteve më parë.
Teksti ishin brenda për brenda tekstit. Ishte një pyetje abstrakte më shumë te gjuha se sa tek letërsia. Pyetja e Turit me varkën dhe shokët. Edhe një foto se në çfarë sfide ishte vajza në shkëmbë. Kishte disa paragrafë. Turi mund të bënte të katër veprimet”, tha një maturante për News24.
Një tjetër maturante u shpreh se pyetjet logjike nuk kishin lidhje me modelet e mëparshme si dhe kishte pyetje që nuk kishin të bënin me Letërsinë.
“Brezi më i traumatizuar i maturës. Kishte pyetje që nuk kishin të bënin fare me Letërsinë. Nga lirika e Lasgushit tek epizmi i Homerit na erdhi si papritur, nuk i prisnim të dyja. Pyetjet logjike nuk ishin fare në lidhje me modelin. Kishte shumë tekste. Kërkojmë mos penalizohemi pasi na ul mesataren dhe nuk kapim dot shkollat. Shumë maturantë nuk ndihen konfidentë për provimin tjetër”, tha ajo.
