Një ngjarje e rëndë u shënua mbrëmjen e kaluar në Kurbin mes demokratëve. Arsyeja e konfliktit të degradimit në përdorimin e armëve të zjarrit, ishte kërkesa për anëtarësime të reja të simpatizantëve, me qëllim që të merrnin pjesë në votimet për kandidatët e primareve më 4 dhjetor.
Ngjarja ndodhi gjatë një takimi të kësaj force politike dhe sipas burimeve Van Rica i cili mbështeste kandidatin Edmond Shkoza, kishte kërkuar anëtarësimin e disa simpatizantëve, por kjo është kundërshtuar nga nënkryetari i degës së Partisë Demokratike të Rithemelimit Kastriot Marku, me pretendimin se kishte përfunduar afati i anëtarësimeve.
Në debat e sipër Van Rica ka qëlluar me armë zjarri pistolete në korridoret e zyrave të Partisë Demokratike, dhe më pas është larguar, por fatmirësisht nuk pati persona të lënduar.
Anëtari i PD në Kurbin, Van Rrica, i cili qëlloi me armë zjarri mbrëmjen e kaluar në takimin e demokratëve të Berishës në Kurbin, ka rënë në prangat e policisë.
