Kryeministri Edi Rama bëri një paralajmërim të fortë për të gjithë politikanët. Nga aktiviteti i organizuar në kryeqytet “Llogaridhënia publike përpara qytetarëve të Tiranës”, Rama tha se pas pastrimit të institucioneve të drejtësisë politikanët do të paraqite në gjykatë apo prokurori për të provuar pafajësinë e tyre.
Kryeministri deklaroi se të gjithë politikanët nga më i gjati deri tek më i shkurtri do të provojnë ndershmërinë dhe pastërtinë e figurës së tyre në gjykata dhe jo me llafe.
“Rekomandimi ka ardhur me shumë punë e mund e falë reformave që kemi arritur… Politikanët nga më i gjati deri tek më i shkurtri do duhet të mos mjaftohen duke thënë unë jam i ndershëm, ai është hajdut por të provohen si të tillë kur të paraqiten në gjykatë apo prokurori, kur ato të jenë pastruar nga llumi i një çerek shekulli”, deklaroi Rama.
