Ish deputeti i Partisë Demokratike, Klevis Balliu teksa ka qenë prezent në protestën e banorëve të Astirit kundër shembjes së ndërtesave të tyre, ka folur në lidhje me protestën që u zhvillua ditën e sotme nga opozita e bashkuar.
Sipas tij nuk janë protestuesit ata që konfliktohen me njëri-tjetrin, por provokatorët që vijnë nga kryeministri Rama.
Për këtë gjë, ish-deputeti thekson se “nëse kërkoni dru, dru do t’ju japim”.
“Ju thoni që protestuesit po zihen me njëri tjetrin, por ne kemi 5 muaj këtu dhe nuk zihemi me njëri-tjetrin, jo. Por ju sillni provokatorët këtu për të provokuar protestuesit dhe nëse ju kërkoni dru, dru do t’ju japim”, deklaroi Balliu.
