Presidenti Ilir Meta kërkon të organizojë një tubim të madh qytetar në Qytetin Studenti, në 8 dhjetor. Zëdhënësi për Presidencën, Tedi Blushi, komunikon se Kreu i Shtetit do ta organizojë këtë tubim në formën e dialogut me qytetarët.
Pas propozimit për të mbajtur referendum, duket se presidenti Meta kërkon zgjidhjen e krizës politike nëpërmjet mbështetjes popullore. Tedi Blushi njofton me anë të një statusi në rrjetin social Facebook, se nisja e dialogut të presidentit Meta me Shqipërinë, ka për qëllim mbrojtjen e demokracisë dhe Kushtetutës.
Po kështu, ai nënvizon ndër të tjera se dialogun e Kreut të Shtetit me shqiptarët nuk mund ta ndalë askush, deri në zbatimin e detyrimit Kushtetues për referendumet.
Statusi
Të dashur kolegë gazetarë,
Interesimit tuaj të jashtëzakonshëm, për të mësuar sa më shumë detaje rreth tubimit mbarëpopullor të thirrur nga Presidenti i Republikës Sh.T.Z ILIR META, në 8 dhjetor 2019, në DITËN E RINISË, ju sqaroj se:
Nisja e Dialogut të Presidentit META me Shqipërinë ka për qëllim mbrojtjen e Demokracisë dhe Kushtetutës!
Dialogun e Presidentit META me shqiptarët nuk mund ta ndalë ASKUSH, deri në zbatimin e detyrimit kushtetues për Referendumet.
JEMI TË VENDOSUR DERI NË FUND: DEMOKRACINË NUK E JAPIM ME KONCENSION!
TANI VETËM DEMOKRACI DIREKTE!
TANI VETËM REFERENDUM!
SHQIPËRIA E PARA!
SHQIPTARËT MBI ÇDO GJË!
