Shefi i Grupit Parlamentar të AAK-së, Daut Haradinaj, ka folur në lidhje me kërcënimin e bërë ndaj kryeministrit të Kosovës, Albin Kurti.
Haradinaj thotë se ky kërcënim i duket më shumë si një lojë virtuale sesa diçka serioze.
“Institucionet e sigurisë duhet me kry punën e vet dhe me i sjell fajtorët sa më shpejtë para drejtësisë. Po më duken hajgare palidhje. Po më duken lojëra virtuale”, tha ai.
Sipas tij, me anë të postimit ku Kurti tregon për kërcënimin, ai ka dashur t’i bëjë presion Gjykatës Kushtetuese.
“Publikimi i Kurtit po duket që po bën presion mbi Gjykatën Kushtetuese. Është për të ardhur keq, që gjuha ka filluar me degradu. Kushdo që të jenë këta, duhet me i sjell para drejtësisë”, shtoi ai.
