Gjatë këtyre javëve izolim, një pjesë e madhe e qytetarëve kanë hasur në pengesa të vazhdueshme nga ana e bankave për shtyrjen e kredive. Ky shqetësim madje është bërë publik edhe kur kryeministri Rama ka qënë pjesë e emisioneve.
Por duket se durimit i ka ardhur fundi, dhe kreu i qeverisë është detyruar që të ashpërsojë masat. Ai paralajmëron të gjithë shqiptarët, të cilët janë përballur me refuzimin e bankave për shtyrjen e kredive, se është vënë në dispozicion një kanal ankesash.
Rama njofton se nëse nuk keni gjetur mirëkuptimin me bankat ku keni kredinë, mund t’i drejtoheni Bankës së Shqipërisë për të zgjidhur këtë situatë, duke shkruar në adresën e email-it: [email protected]
Njoftimi
? PËR TË GJITHË ATA QË HASIN PROBLEME ME BANKAT PËR SHTYRJEN TREMUJORE TË DETYRIMEVE NGA KREDITË, BANKA E SHQIPËRISË KA VËNË NË DISPOZICION NJË KANAL ANKESASH NË FAQEN E VET:
? Udhëzim i Bankës së Shqipërisë, për qytetarët dhe bizneset për riskedulimin e kësteve të kredisë me subjektet kredimarrëse
Në vijim të njoftimeve të mëparshme, Banka e Shqipërisë rithekson se qytetarët dhe bizneset, gjendja financiare e të cilëve është ndikuar negativisht nga situata e krijuar nga Covid-19 dhe njëkohësisht janë klientë kredimarrës në banka ose subjekte financiare jobanka, kanë mundësi të aplikojnë për procesin e riskedulimit të kësteve të kredisë pranë këtyre subjekteve.
Fillimisht ju nevojitet të aplikoni për shtyrje të afatit të kësteve të kredisë duke shpjeguar vështirësitë financiare si pasojë e situatës së krijuar, tek secila nga banka/subjekte ku keni kredinë.
Për çdo rast, nëse nuk gjeni mirëkuptim me bankat/subjektet ku keni kredinë mund t’i drejtoheni Bankës së Shqipërisë, për të zgjidhur këtë situatë duke na shkruar në adresën e email-it:
Lutemi të specifikoni konkretisht emrin e bankës/subjektit me të cilin keni një marrëdhënie kredie, shpjeguar vështirësitë tuaja financiare si pasojë e situatës së krijuar dhe vënë në dispozicion korrespondencën e plotë që keni pasur me bankat/subjektet.
BANKA E SHQIPËRISË
