Ditën e shtunë, orët me diell do të mbizotërojnë në pjesën më të madhe të vendit.
Era do të jetë nga veriperëndimi me shpejtësi mesatare 2-7m/s, përgjatë vijës bregdetare hera-herës fiton shpejtësi deri në 15m/s.
Ditën e diel parashikohet të ketë mot me alternime kthjellimesh, dhe vranësira në zhvillim në orët e mesditës.
Vranësirat do të shoqërohen me reshje të dobëta shiu të karakterit lokal në veri dhe në qendër.
Në verilindje-lindje reshjet e shiut do të marrin karakter shtrëngatash afatshkurta, lokalisht reshje në formën e breshërit.
Era do të jetë nga kuadrati i jugut me shpejtësi mesatare 2-6m/s, e cila përgjatë vijës bregdetare fiton shpejtësi deri në 10m/s.
