Këngëtarja Rezarta Shkurta, bashkëshortja e nipit të Enver Hoxhës ka reaguar pas një postimi që Berisha publikoi mbrëmjen e djeshme në lidhje me nipin e diktatorit Hoxha.
Berisha shkruante për Ermal Hoxhën se “Për 20 kg kokainë bëri vetëm 3 vjet burg.”
Gjithashtu, ish-kryeministri shtoi se nipi i diktatorit është një narkotrafikant i lënë i lirë.
Më pas, këngëtarja e revoltuar ka postuar pikërisht këtë foto në ‘Instastory’ me një kundërpërgjigje: ‘Mos u merr me nipin e atij që i ke hequr kallot e këmbëve, por meru me djalin tënd Zeni Berisha që vrau qindra fëmijë në shpërthimin e Gërdecit, dhe s’bëri asnjë ditë burg’.
Kujtojmë që Ermal Hoxha la qelinë e burgut të Fierit pasi i kishin mbetur edhe 1 vit e 8 muaj burg nga dënimi për dosjen ‘Xibrakë’.
