Këngëtari i njohur Mentor Haziri, i ftuar këtë mbrëmje në emisionin “Why Not”, vuri në pah mungesat në shërbim dhe infrastrukturë që ofron turizmi në Shqipëri.
Ku mes të tjerash tregoi edhe një situatë me mikun e tij amerikan, teksa ndodheshin në Jalë. Për të cilin tha se u çudit nga ajo çfarë shikoi, duke e cilësuar si “vendin e kontrasteve”.
“Kam qenë me një mik nga Amerika në Jalë para dy viteve edhe është vënë në kontrast, se është e çuditshme. Ke një vend ku ka sushi, një shampanjë 600 euro në plazh dhe ke vendin tjetër ku s’ke ku të flesh dhe ku helmohesh me ushqim, në vetëm 50 m diferencë. Kjo është çka të ofron turizmi shqiptar.
Aq bukuri të mëdha ka Shqipëria sa ne nuk i dimë as vetë, duhet t’i çojmë përpara. Ato çohen përpara me infrastrukturë, me urbanizëm, sepse nuk dua të shkoj në Theth dhe të shikoj një rrugë horror, aq të prishur, derisa arrij aty të shikoj ato ujëvara aq të bukura që ka Thethi, magjinë”, tha Haziri.
