Kënga me përmbajtje politike, Bjellorusia skualifikohet nga Eurovision

Bjellorusia është skualifikuar nga kompeticioni Eurovision, për shkak se orgnizatorët e kanë cilësuar teksin e këngës së këtij shteti, me nënkuptim politik. Një nga rregullat e Eurovisionit, është që këngët nuk duhet të mos përcjellin mesazhe politike.

Unioni Evropian i Transmetimeve (EBU), organizatorët e Eurovisionit, ranë dakord që teksti i këngës ishte i papërshtatshëm dhe urdhëroi që Bjellorusia të paraqiste përsëri një version të ri nëse dëshironin të merrnin pjesë në maj, shkruan agjencia e lajmeve, Reuters.

Por, versioni i ri nga grupi “Galasy ZMesta”, është konsideruar sërish i papërshtatshëm nga organizatorët e konkursit.

Në një deklaratë, EBU tha se kishte kontrolluar me kujdes pjesën e re hyrëse për të vlerësuar të drejtën e saj për të konkurruar. Sidoqoftë, u konkludua se Bjellorusia nuk do të marrë pjesë në konkursin e 65-të të këngës Eurovision.