Leonora Jakupi ka publikuar një këngë që mban titullin “Komandant”. Këngëtarja e njohur shfaqet në videoklip me kapuç me emblemën e UÇK-së. Kënga i dedikohet pjesëtarëve të Ushtrisë Çlirimtare të Kosovës, të cilët po mbahen në paraburgimin e Gjykatës Speciale në Hagë.
Kjo ka bërë që këngëtarja e njohur shqiptare, e cila edhe vetë është bijë e një dëshmori të rënë në luftën e Kosovës, të përfundojë në faqet kryesore të mediave serbe.
“Skandal: Këngëtarja shqiptare vendos një kapele me shenjën UÇk dhe këndon për nder të terroristëve”, shkruan një media serbe. Leonora ka reaguar sa i takon këtij shkrimi: “Skandal jo, por krenari. Terrorista jo, por çlirimtar”, shkruan Jakupi bashkëngjitur me lajmin e medias serbe.
