Gjatë komunikimit në Facebook lidhur me situatën e sigurisë në vendin tonë, kreu i qeverisë tha se prej ardhjes së socialistëve në pushtet, është përgjysmuar numri i vrasjeve brenda një viti. Rama tha se është ulur në përgjysmim numri i vrasjeve në Shqipëri. Dhe se jemi në vitin me numrin më të ulët të vrasjeve në 30 vitet e fundit. Sipas Ramës, situata është drejt përmirësimit. Ai pohoi se ka edhe më mirë, por do synojnë çdo ditë e më shumë.
“Ne nuk kemi humbje jetësh çdo 24 orë. Kemi pasur disa probleme me vrasje të sëkëlldisshme në muajin gusht. Kemi pasur një kohë kur në Shqipëri vriteshin rregullisht mbi 100 persona në vit. Në 2012 janë vrarë 112 persona. Ne e kemi ulur në përgjysmim numrin e vrasjeve në Shqipëri.
Jemi në vitin me numrin më të ulët të vrasjeve në 30 vitet e fundit. Ne duhet të bëjmë akoma më shumë. Nuk them se vrasjet t’i marrim të mirëqena. Nuk ka vend ku nuk ka vrasje. Ne jemi në mesataren e kontinentit tonë. Kemi qenë në fundin e një pusi ku nuk na dukej emri. Sot jemi më mirë se disa vende, për të mos u kthyer në humor. Nuk jemi më mirë se disa vende në rajon. Ka edhe më mirë, por do synojmë çdo ditë e çdo natë. Kjo e tregon jo vetëm tërësia e fakteve, por që Shqipëria turistike tregoi këtë vend”.
