Kryeministri Edi Rama është shprehur se në pranverë do të nisë puna për ndërtimin e banesave të reja për banorët e prekur nga tërmeti.
Në një konferencë për mediat, Rama theksoi se në janar qeveria ka 7 prioritete, duke nënvizuar se do të kalohet edhe ligji i anti-KÇK. Ai theksoi se brenda janarit do nisë edhe puna për kampusin universitar në QS.
“Ne kishim mbledhjen e fund-vitit dhe ne bëmë një rezyme të punës së bërë dhe u fokusuam edhe në prioritetet e punëve në vazhdim. Besoj se kemi plan solid për të nisur procesin e rindërtimit. Objektivi ynë që brenda pranverës të jetë nisur gjithçka dhe për 6 muaj, një pjesë e madhe e atyre që janë në banesa individuale, të jenë sistemuar me shtëpi të re.
Ndërsa, për ata që do të vendosen në komplekse, do të qëndrojnë derisa këto qyteza të ndërtohen. Menjëherë në janar do të implementojmë 7 prioritete, si dhe do të nisim ligjin kundër-KCK dhe do nisim edhe punën për kampusin universitar, që do të nisë QS, Akademinë e Sigurisë dhe Akademinë e Arteve”, tha ai.
