Deputeti Belind Këlliçi do të dorëzojë mesditën e së enjtes formularin për të garuar në procesin e primareve të PD-së.
Këlliçi ka pohuar se është gati të lërë mandatin e deputetit, dhe të garojë përballë kryebashkiakut Erion Veliaj.
“Jam gati të lë mandatin, sot hyj në primare!”, tha ai për “ABC News”. Kandidimi i Këlliçit në primare vjen 24 orë pasi PD-ja hapi zyrtarisht garën në procesin e primareve për Tiranën, Durrësin dhe Elbasanin.
Procesi i primareve për Tiranën, Durrësin dhe Elbasanin do të përmbyllet brenda muajit nëntor, në mënyrë që të evidentojnë kandidatët më shpejt.
Ndërsa për Bashkitë e tjera, primaret do të mbahen në 4 dhjetor.
