Kejvina Kthella e pranoi publikisht të shtunën që lamë pas se nuk do ishte më pjesë e stafit të “Xing me Ermalin”. Ishte vetë moderatori Ermal Mamaqi, i cili hapi audicionet për të gjitha ato që do të duan të bëhen pjesë e këtij emisioni.
“Dua të ndjek ëndrrat e mia. Diçka e bukur më pret në Milano. Do të më shikoni shumë shpejt në një kanal të fuqishëm italian”, tha Kejvina, ndërsa u përlot teksa foli për arsyen e largimit të saj.
Me mjaft interes është të dimë se kush do ta zëvendësojë. Ish-velina postoi një foto në Insta Story me një spec djegës në gojë, ku shkroi:
“Vetëm ky speci kuq më zëvendëson mua tek ‘Xingu’”.
