Pas një deklarate të fortë ku Kejvina Kthella shpenzonte shuma marramendëse, bukuroshja ka dhënë sqarimet lidhur me këtë çështje. E ftuart në emisionin “Thumb On” në RTV Ora, Kejvina u përgjigj lidhur me faktin se shpenzon 200 mijë lekë në ditë.
“Ja kam futur kot, atë ditë isha e mërzitur. Doja të ekzagjeroja çdo gjë dhe e ekzagjerova. Sot kam harxhuar vetëm 300 lekë, sa për një paketë cigare. Edhe bukën e ha në shtëpi që të mos harxhoj lekë”.
E pyetur nëse i kanë bllokuar të gjitha kartat, ajo zbuloi se si qëndron e vërteta. “Unë shtëpinë time e kam akoma shyqyr Zotit, dhe do e kem gjithmonë sepse unë nuk kam lidhje me asgjë. Fati im i keq është që unë njihem dhe e kanë përdorur emrin tim në shumë raste. Kartat i kam, makinën e kam në emrin tim dhe është blerë nga banka ime. Me duket banale të flas për sendet e mia dhe jetën private. Kam qejf që njerëzit të më njohin si Kejvina”.
Kejvina Kthella rezultoi se kishte njohje me personin e vetëm të arrestuar deri më tani si autor i atentatit, Redjan Rraja. Pas arrestimit të Rrajës, policia e mori në pyetje për ta pyetur lidhur me lëvizjet e tij para atentatit, pasi në telefonin e 34-vjeçarit u zbuluan telefonatat e shpeshta me Kthellën.
Në nëntor të këtij viti, Gjykata e Krimeve të Rënda i ka sekuestruar modeles Kejvina Kthella makinën, llogarinë bankare dhe celularin. Sekuestrimi u bë për llogari të hetimit, lidhur me atentatin ndaj prokurorit të Durrësit Arian Ndoj. Pak ditë më vonë, me kërkesë të modeles Gjykata i ktheu vetëm celularin.
