Ministri i Brendshëm, Sandër Lleshaj, ka komentuar progres-raportin që KE publikoi sot për vendet e Ballkanit Perëndimor. Ai shprehet se ky raport është një certifikatë domethënëse e progresit të gjithanshëm të vendit. Po kështu, ministri Lleshaj ka vlerësuar maksimalisht punën e Policisë së Shtetit, në luftën kundër krimit të organizuar e kanabisit.
“Raporti i Progresit të BE për Shqipërinë, një certifikatë domethënëse e progresit të gjithanshëm të vendit. Vlerësimet e larta për angazhimin e Policisë së Shtetit, në luftën kundër krimit të organizuar e kanabisit, dhe bashkëpunimin ndërkombëtar janë inkurajim për thellimin e mëtejshëm të suksesit”.
