Reporteri për Ballkanin Perëndimor në Komisionin për Politikën e Jashtme në Bundestagun Gjerman, Adis Ahmetovic, në një konferencë për mediat ka komentuar integrimin e Shqipërisë dhe Maqedonisë së Veriut. I pyetur nëse mbështet ndarjen e Shqipërisë nga Maqedonia e Veriut, Ahmetovic tha se i sheh këto dy vende në rrugëtimin europian së bashku.
“Në fakt duam ta shohim së bashku me Maqedoninë e Veriut me Shqipërinë. Ata kanë bërë çdo gjë, ndryshuan emrin pa konflikte. Është një pyetje e rëndësishme, por ende Maqedonia është shprehur se jemi të gatshëm të futemi në BE. Sërish jemi në diskutime dhe Franca ka bërë gati një zgjidhje dhe duhet promovuar kjo zgjidhje. Kemi një javë për të bindur Maqedoninë e Veriut ta pranojë këtë zgjedhje. Është çështje personale për njerëzit e Maqedoninë e Veriut, sepse ata kanë bërë kaq shumë, por gjëja më e mirë është të ecë bashkë me Shqipërinë dhe Maqedonisë së Veriut. Mos të flasim për ndarjen e tyre, sepse na duhet të luftojmë për çdo zgjidhje të mundshme. Por në këtë moment, Maqedonia dhe Shqipëria duhet të ecin së bashku”, u shpreh ai.
Deputeti i Bundestagut Gjerman është pyetur nëse njeh Sali Berishën si kryetar të Partisë Demokratike apo Enkelejd Alibeajn.
“Unë nuk mund të komentoj gjithçka që ndodh në politikën e brendshme. E thashë shumë qartë, pozicioni i qeverisë dhe i shumicës në Parlamentin shqiptar është i duhuri…Ju po luftoni vit pas viti për të hedhur hapat e mëtejshëm për t’u bërë pjesë e BE. Por iu desh të prisni sërish, megjithatë Shqipëria nuk ndali së punuari për këtë ide të BE, kështu që qeveria, partitë politike në Parlament kanë mbështetjen tonë të plotë për këtë agjendë”.
