Zëdhënësi i Komisionit Evropian, Margaritis Schinas, ka thënë se Kosova dhe Serbia duhet t’i zgjidhin problemet mes tyre, pasi në të kundërt nuk do të mund të jenë pjesë e BE-së.
“Pa zgjidhjen e problemeve mes vete, Kosova dhe Serbia nuk do të mund të bëhen anëtarë të Bashkimit Evropian”, tha zëdhënësi i Komisionit Evropian, Margaritis Schinas.
Schinas, në një intervisë për “Tanjug” është pyetur edhe për taksën që Kosova i ka vendosur Serbisë.
Sipas tij, qëndrimi i BE-së në lidhje me taksën është i qartë dhe se kjo taksë sipas tij, është sinjal që nuk mbështet progresin e Kosovës në rrugën evropiane.
“Unë mendoj se mesazhi jonë ka qenë i qartë dhe ne do të vazhdojmë të paraqesim qëndrimin tonë”, u përgjigj Schinas, pasi u pyet nëse BE-ja ka autoritet të mjaftueshëm mbi Kosovën për të rënë dakord të heqë taksën.
Ndër të tjera, ai tha se është e nevojshme që të gjitha problemet të diskutohen para hyrjes në BE, pasi që sipas tij, zgjidhja e problemeve mes dy palëve është shumë e nevojshme dhe se problemet e tilla nuk duhet të importohen në BE.
