Zbardhen detaje të reja në lidhje me vrasjen e shqiptarit Armando Beqiri në Islandë, ngjarje e ndodhur disa muaj më parë
Prokuroria islandeze akuzon 4 persona për vrasjen e tij, ku njëra prej tyre është grua, shkruan media vendase, Visir.
Angelin Sterkaj, nga Shqipëria ka pranuar se ka qenë ai personi që ka shtënë ndaj Beqirit, ndërsa të tjerë akuzohen se kanë bashkëpunuar për vrasjen e të riut nga Tepelena mbrëmjen e 13 shkurtit.
Përveç Sterkajt, nën akuzë për vrasjen është edhe e dashura e tij nga Portugalia. Dyshohet se ajo e ndjekur Armandon natën e vrasjes, duke raportuar në kohë reale tek i dashuri të gjitha koordinatat e shqiptarit.
Dy burra të tjerë, të dy nga Shqipëria, janë akuzuar gjithashtu në këtë çështje. Njëri prej tyre ishte mik i viktimës, ndërsa tjetri ndodhej në makinë me Sterkaj në momentin që ai qëlloi mbi të riun.
Armando Beqiri u qëllua nëntë herë me një pistoletë me silenciator, pikërisht në ditën e tij të lindjes. I riu nga Shqipëria, babai i dy fëmijëve, ndërroi jetë në vend, pikërisht në prangun e banesës.
Pista kryesore ku po hetohet është prishja e pazareve të drogës në të shkuarën, e cila i ka kushtuar edhe jetën 33-vjeçarit.
