KAS në Lozanë të Zvicrës ka dhënë vendimin ditën e sotme, mbi çështjen e dopingut të Rusisë, teksa ka ulur skualifikimin e të gjithë atletëve të këtij shteti nga 4 në 2 vjet.
Megjithatë deri në vitin 2022, të gjithë atletët rusë që do paraqiten në kompetcione të ndryshme, do jenë pa asnjë flamur, uniformë apo himn të shtetit të tyre.
Periudha përfshin Lojërat Olimpike “Tokio 2021”, Lojërat Olimpike Dimërore “Pekin 2022” dhe gjithashtu Botërorin “Katar 2022”. Disa atletë rusë do të lejohen të garojnë në Lojërat Olimpike, por vetëm si neutralë dhe me kusht që ata të demonstrojnë se nuk kanë asnjë lidhje me skemën anti-doping, që përfshin agjentë të aparatit të sigurimit të shtetit rus.
Grupi i ekspertëve shkencorë në KAS vendosi unanimisht që Rusada (agjencia ruse anti-doping) nuk është në përputhje me kodin anti-doping për shkak të paaftësisë për të dorëzuar tek Wada të dhënat autentike dhe ato analitike të laboratorit të Moskës.
