Misioni i OSBE/ODIHR ka prezantuar ditën e sotme raportin paraprak për zgjedhjet parlamentare të 25 prillit.
Në raport, u theksua dhe pamundësia e votës për shqiptarët që jetojnë në Greqi dhe Mqedoni të Veriut, për shkak se Komiteti Teknik vendosi karantinën dy javore.
Sipas koordinatorit special dhe drejtuesit afatshkurtër të misionit vëzhgues të OSBE/ODIHR në Tiranë, Azay Guliyev autoritetet duhet të kishin marrë masa për sigurimin e votës së emigrantëve.
“Sa i përket shqiptarëve që jetojnë në Greqi dhe që s’u lejuan të ushtrojnë të drejtën e tyre për votë duke marrë parasysh situatën me COVID, duhet të them opinionin tim personal. Në raste të tilla ka disa shembuj që e praktikojnë që të ushtrojë këtë të drejtë duke votuar në ambasada. Shpresoj që të jetë një çështje për t’u diskutuar në vijim se si mund të arrihet një konsensus. Duhet të ishin krijuar kushtet e duhura për ta që të votonin. Do doja që të flisnin autoritetet e vendit për këtë çështje.”, tha ai.
